काठमाडौं । काठमाडौँमा सञ्चालित ५५ वटा ग्यास डिपोबाट ६ हजार २२८ सिलिन्डर ग्यास वितरण गरिएको छ । वितरण गरिएको ग्यासमध्ये ३ हजार १८९ सिलिन्डर सर्वसाधारणलाई र ३ हजार ३९ सिलिन्डर व्यावसायिक प्रतिष्ठानलाई वितरण गरिएको हो ।
खाना पकाउने ग्यासको कृत्रिम अभाव सिर्जना गरी कालोबजारी भइरहेको गुनासो बढेपछि सरकारले काठमाडौँ उपत्यकाका ग्यास डिपो तथा बिक्री केन्द्रमा निगरानी बढाएको छ । ग्यासको वितरण प्रणालीलाई व्यवस्थित बनाउन डिपोहरूमा सादा पोसाकका प्रहरीसमेत परिचालन गरिएको छ ।
सुकेधारास्थित श्री ग्यास डिपोबाट मात्रै व्यावसायिक प्रतिष्ठान तथा होटलहरूका लागि २ हजार ८ सय सिलिन्डर ग्यास वितरण गरिएको प्रहरीले जनाएको छ ।
यस्तै, टोखास्थित जय कालिका ग्यास डिपोबाट २३४ सिलिन्डर ग्यास सर्वसाधारणलाई वितरण गरिएको छ ।
ग्यासको कृत्रिम अभाव र कालोबजारी नियन्त्रण गर्न उपत्यकाका विभिन्न डिपो तथा बिक्री केन्द्रमा प्रहरीले निगरानी बढाएको जनाएको छ ।
![निम्सलाई भेटेर भन्न चाहन्थेँ: “आरोहणप्रतिको यो तीव्र लयले दुर्घटना निम्त्याउन सक्छ है!” [अन्तर्वार्ता]](https://www.diyopost.com/wp-content/uploads/2026/08/Untitled-3-300x169.jpg)
