नेपाल टेलिकमले हटायो कोरोना सम्बन्धीको रिंग ब्याक टोन

काठमाडौं, ३१ भदौ । नेपाल टेलिकमले कोरोना संक्रमण रोकनामका लागि तयार पारेको मोबाइल रिंग ब्याक टोन हटाएको छ ।

टेलिकमले जनगणना २०७८ को रिंग ब्याक टोन राखेको छ ।

नेपालमा कोरोना संक्रमण शुरु भएपछि नेपाली कांग्रेसका नेता गगन थापाको सुझावका आधारमा नेपाल टेलिकमले कोरोना संक्रमण रोक्न सचेतना दिने रिंग ब्याक टोन सार्वजनिक गरेको थियो ।

तर, बुधबारदेखि टेलिकमले उक्त रिंग ब्याक टोन हटाएर जनगणना सहभागी हुन सर्वसधारणलाई अपिल गरिएको छ ।