जाजरकोट र रूकुम पश्चिममा गरी ८० जनाको मृत्यु

दियो पोस्ट  

जाजरकोट केन्द्रबिन्दु भइ मध्यरातमा गएको भूकम्पमा परी ८० जनाको मृत्यु भएको छ।

सशस्त्र प्रहरी बलका अनुसार आज बिहान ६ः१५ बजेसम्मको विवरणअनुसार दुई जिल्लामा गरी ८० जनाको मृत्यु भएको हो ।

दुबै जिल्लामा गरी १५५ जना घाइतेहरूको विभिन्न अस्पतालमा उपचार भइरहेको सशस्त्र प्रहरी नायब उपरीक्षक एवम् सहायक प्रवक्ता शैलेन्द्र थापाले बताए ।

राहतको काम जारी रहेकाले मृतक र घाइतेको संख्या अझै बढ्न सक्ने कर्णाली प्रदेश प्रहरी कार्यालयका प्रमुख डिआइजी भीमप्रसाद ढकालले जानकारी दिए।

भूकम्पका कारण केही क्षेत्रहरू केही गाउँपालिकामा टेलिफोन सेवा पनि अवरूद्ध भएका छन्। रूकुम पश्चिम र जाजरकोटको सिमाना पर्ने रिम्ना भन्ने ठाउँमा पहिरोका कारण सडक अवरूद्ध भएको पनि डिआइजी ढकालले जानकारी दिए।

हेर्नुहोस् विवरणः

मिति २०८०।०७।१७ गते २३:४७ बजे जाजरकोट, रामीडाँडामा केन्द्र विन्दु बनाई ६.४ म्याग्निच्युडको भुकम्पबाट भएको क्षतिको विवरण:-

समय :०६: १५ बजे अपडेट:

 ठेगाना-जाजरकोट, बारेकोट गापा १, रामीडाँडा
 मृत्यु -४४
 घाईते:७०
 भौतिक क्षति-आश्रिम गुल्म जाजरकोटमा आंशिक क्षति
 सशस्त्र प्रहरी बल परिचालन-आश्रिम गुल्म जाजरकोटबाट सप्रनाउ विकाश थापाको कमाण्डमा ६७ जना टोली खटिएको ।
 थप मद्दत टोली : नं. ६ महेश्वरि बाहिनि सुर्खेत बाट सप्रनि कविन्द्र खड्काको कमाण्डमा म्ः ९ जना सहित ३५ जनाको टोली खटिएको ।
र डा। सप्रनि निश्चल घिमिरेको कमाण्डमा ४ जनाको मेडिकल टोली खटिएको ।(जम्मा ३९ जना)

पश्चिम रुकुम,
 ठेगाना:- पश्चिम रुकुम, आठविसकोट नपा ११ देखि १४, सानी भेरी गापा-१,२,४ वडाहरु र चौरजहारी नपा
 मृत्यु -३६
 घाईते- ८५
 सशस्त्र प्रहरी बल परिचालन -नं.४७ गुल्म पश्चिम रुकुमबाट सप्रनि झक्कु प्रसाद शर्माको कमाण्डमा २४ जनाको टोली खटिएको ।
 सशस्त्र प्रहरी बल परिचालन- नं.४७ गुल्म पश्चिम रुकुमबाट सप्रबनानि बल बहादुर थापाको कमाण्डमा ११ जनाको टोली खटिएको ।
 थप मद्दतको लागि आश्रित गुल्म रुकुम पूर्वबाट सप्रनानि राजकुमार घर्तिको कमाण्डमा ११ जनाको टोली खटिएको ।

रोल्पा,
 ठेगाना-रोल्पा, रोल्पा नपा ३ चमकोट
 मृत्यु –
 घाईते-१