काठमाडौँ, मंसिर २८ । नेपालमा बितेको २४ घण्टामा थप ८३० जनामा कोरोना संक्रमण पुष्टि भएको छ । आइतबार गरिएको कुल ५ हजार १८१ नमुना परिक्षणमध्य ५ सय ३० जनामा कोरोना पोजेटिभ पाइएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् ।
नियमित प्रेस ब्रिफिङमार्फत प्रवक्ता गौतमले नेपालमा हालसम्म कोरोना संक्रमितको कुल संख्या २ लाख ४८ हजार ४२३ पुगेको जानकारी दिएका छन् । त्यस्तै आइतबार १५ सय जना कोरोना मुक्त भएका छन् । यससँगै कोरोना संक्रमणबाट निको हुनेको संख्या २ लाख ३५ हजार ७१३ पुगेको छ । त्यस्तै मृत्यु हुनेको संख्या १ हजार ६९८ पुगेको छ ।
आइतबार काठमाडौँ उपत्यकामा कुल ३४८ जनामा कोरोना संक्रमण पुष्टि भएको छ । जसमध्य भक्तपुरमा २५ जना, ललितपुरमा ६५ जना र काठमाडौँमा २ सय ५८ जना रहेका छन् ।
प्रवक्ता गौतमका अनुसार हालसम्म नेपालमा कुल १८ लाख ३१ हजार ३४ जनाको पिसिआर परिक्षण भएको छ । जसमध्य १० हजार ९ सय ९४ जना सक्रिय संक्रमित रहेका छन् ।
