स्कोडा नेपालले ल्यायो बेजोड फाइनान्सिङ योजना: ६.९९% ब्याजदरमा ८०% फाइनान्सिङ

काठमाडौं । स्कोडा नेपालले विलासी, सुरक्षित र प्रिमियम ड्राइभिङ अनुभवलाई अझै सहज बनाउने उद्देश्यले नवीनतम फाइनान्सिङ योजना घोषणा गरेको छ। कम्पनीले इन्टरनल कम्बस्चन इन्जिन (ICE) सवारी साधनका लागि पहिलो पटक मात्र ६.९९ प्रतिशत वार्षिक ब्याजदर मा ८० प्रतिशतसम्म फाइनान्सिङ प्रदान गर्ने योजना सार्वजनिक गरेको छ।

कम्पनीकाअनुसार यो योजना अटोमोबाइल बजारमा किफायती स्वामित्व अनुभवलाई पुनः परिभाषित गर्ने लक्ष्यसहित ल्याइएको हो। हाल नेपालमा विद्युतीय सवारी (EV) तर्फ उपभोक्ताको आकर्षण बढिरहेका बेला, स्कोडाले ICE सवारी साधनहरूको स्वामित्वलाई पनि सरल र पहुँचयोग्य बनाउने प्रयास गरेको छ। विशेष गरी, यो योजना उच्च अग्रिम भुक्तानीले प्रिमियम सवारी खरिद गर्न नसक्ने ग्राहकहरूलाई लक्षित गरी ल्याइएको हो।

स्कोडा नेपालले आफ्ना ग्राहकहरूलाई विलासिता, सुरक्षा र विश्वसनीयता को अनुभव प्रदान गर्न वित्तीय अवरोध हटाउने योजना बनाएको छ। यो अफरले उपभोक्तालाई स्कोडाको प्रिमियम मोडेलहरूको सहज स्वामित्व सुनिश्चित गर्नेछ। चाहे राजमार्गमा आरामदायी यात्रा होस् वा सहरमा प्रिमियम ड्राइभिङ अनुभव, यो योजना उपभोक्ताहरूको सपना पूरा गर्न महत्वपूर्ण हुनेछ।

नेपालमा ईभीहरूको माग बढ्दै गर्दा स्कोडा नेपालको यस रणनीतिले ग्राहकहरूलाई ICE सवारी खरिदमा आकर्षित गर्ने अपेक्षा गरिएको छ। स्कोडा नेपालका एक्जुटिभ डायरेक्टर तथा सीईओ रौनक अग्रवाल का अनुसार, “हाम्रा ग्राहकहरू विलासिता, सुरक्षा र विश्वसनीयताका हकदार हुनुहुन्छ, र हामी यो योजना मार्फत तिनलाई सहज रूपमा उपलब्ध गराउँदैछौं।”

यस योजनाले नेपाली अटोमोबाइल बजारमा नयाँ प्रतिस्पर्धा सिर्जना गर्ने र उपभोक्ताका लागि प्रिमियम सवारीको स्वामित्वलाई सरल बनाउने अपेक्षा गरिएको छ। यस फाइनान्सिङ योजनाका साथ स्कोडा नेपालले नेपाली अटोमोटिभ बजारको एक अग्रणीको रूपमा आफ्नो स्थिति अझै बलियो बनाएको छ।

स्कोडा विश्वव्यापी रूपमा मान्यता प्राप्त एक अटोमोटिभ ब्रान्ड हो। जसमा नवीनता, इन्जिनियरिङ उत्कृष्टता र ग्राहक सन्तुष्टिको समृद्ध विरासत रहेको छ। प्रिमियम गुणस्तर, उत्कृष्ट प्रदर्शन र उन्नत सुरक्षा सुविधाहरूका लागि परिचित स्कोडाले निरन्तर रूपमा अटोमोटिभ संसारमा नयाँ बेन्चमार्कहरू स्थापित गरिराखेको छ। यस फाइनान्सिङ योजनाका साथ स्कोडा नेपालले नेपाली अटोमोटिभ बजारको एक अग्रणीको रूपमा आफ्नो स्थिति अझै बलियो बनाएको छ।