काठमाडौं । नेपाली कांग्रेसको गत साउन २३ गतेदेखि सुरु भएर २८ गतेदेखि रोकिएको केन्द्रीय समितिको बैठक आजको लागि बोलाइएसंगै नेताहरू पार्टी कार्यालय आउने क्रम जारी छ । बैठक बिहान ११ बजेका लागि बोलाइएको भए पवि वेताहरू आउने क्रम अझै चलिरहेको छ ।अधिकांश केन्द्रीय सदस्यले आफ्ना धारणा राखिसकेकाले आज पूर्व र वर्तमान पदाधिकारीहरुले धारणा राख्ने नेपाली कांग्रेसले जनाएको छ । महामन्त्री गगन थापाले छलफलका लागि प्रस्तुत गरेका ११ एजेण्डाका अतिरिक्त परिमार्जनसहित पेश भएका महासमिति बैठकका प्रतिवेदन माथि पनि बैठकमा छलफल हुँदै आएको छ ।उपसभापति पूर्णबहादुर खड्काले पेश गरेको नीति प्रतिवेदन, महामन्त्री गगन थापाले राखेको सांगठनिक र अर्का महामन्त्री विश्व प्रकाश शर्माले राखेको समसामयिक प्रतिवेदन माथि छलफल केन्द्रित हुने नेताहरू बताउंछन् ।
