काठमाडौँ, १९ भदाै । पछिल्लो २४ घण्टामा थप १३ सय ५९ जनामा कोरोना भाइरसकाे संक्रमण पुष्टि भएको छ। यससँगै नेपालमा कोरोना संक्रमितको कुल संख्या ४४ हजार २ सय ३६ पुगेकाे छ।
स्वास्थ्य तथा जनसंख्या मन्त्रालयका अनुसार शुक्रबार १ हजार ३ सय ५४ जना कोरोना संक्रमित डिस्चार्ज भएका छन्। हालसम्म डिस्चार्ज हुनेको संख्या २५ हजाजर ५ सय ६१ पुगेकाे छ।
पछिल्लो २४ घण्टामा १३ हजार ६ सय ३८ पीसीआर परीक्षण गरिएकाे स्वास्थ्य मन्त्रालयले जनाएको छ। देशभर सक्रिय संक्रमितकाे संख्या १८ हजार ४ सय ४ रहेको छ। क्वारेन्टिनमा ६ हजार ५ सय ६१ जना रहेका छन्।
यस्तै काठमाडौँ उपत्यकामा ४५४ जना कोरोना संक्रमित थपिएका छन्। काठमाडाैँमा ३८६, भक्तपुरमा ३६ र ललितपुरमा ३२ जना कोरोना संक्रमित थपिएकाे स्वास्थ्य मन्त्रालयले जानकारी दिएको छ।
