काठमाडौं, १४ माघ । लामो समय देखि चलचित्रमा नदेखिएका महानायक राजेश हमालले चलचित्र हस्ताक्षर गरेका छन् ।
महानायक हमालले हस्ताक्षर गरेको चलचित्रका लागि कलाकारको खोजिमा लागेको निर्माण पक्षले जानकारी दिएको छ ।
शंकर कार्कीले निर्देशन गर्ने चलचित्रमा अभिनेता अनुपविक्रम शाहीले खलनायकको भूमिका निर्वाह गर्दैछन् । चलचित्रमा मुख्य नायकमा पल शाह र मुख्य अभिनेत्रीमा उपासना सिंह ठकुरी हुने चर्चा छ ।
बाँकी कलाकारहरु भने अडिसनबाट छानिने निमार्ण पक्षले जनाएको छ । यसका लागि निर्माण टिमले अडिसन आह्वान गरेको छ । जस अन्तर्गत काठमाडौंमा माघ १९ गते अडिसन हुँदैछ ।
देशका विभिन्न चार ठाउँमा हुने अडिसनबाट कूल २६ जना कलाकार फिल्मका लागि छनोट गरिने निर्माण समुहले बताएको छ ।
