काठमाडौं, १८ माघ । ‘धुर्मुस सुन्तली फाउन्डेसन’ ले चितवन भरतपुरमा निर्माण गरिरहेको गौतम बुद्ध अन्तर्राष्ट्रिय क्रिकेट रंगशालामा ‘स्टार क्रिकेट २०२१’ आयोजना हुने भएको छ ।
धुर्मुस सुन्तली फाउण्डेसन र भरतपुर महानगरपालिकाको सहकार्य र गृष्मा ब्रोडकास्टिङको आयोजनामा गौतम बुद्ध अन्तर्राष्ट्रिय क्रिकेट रंगशालाुका लागि रकम संकलन गर्न टुर्नामेन्ट हुन लागेको हो।
शनिवार काठमाडौँमा आयोजित प्रेस मिटमा स्टार क्रिकेट २०२१ को बारेमा जानकारी दिइएको थियो ।
आयोजित प्रेस मिटमा उपस्थित कलाकार र खेलाडीहरूले क्रिकेटसमेत खेलेका थिए।
नेपाली फिल्म, संगीत र खेलकुदका ४० भन्दा बढी सेलेव्रिटी सहभागी हुने टुर्नामेन्टमा दुई समूह बाँडिएको छ ।
दुई समूहलाई धुर्मुस र सुन्तलीले नेतृत्व गर्ने छन् भने मैदानमा धुर्मुस सुन्तली बिच प्रतिस्पर्धा हुनेछ । टुर्नामेन्ट माघ २४ गते चितवनको निर्माणाधीन रंगशालामा हुनेछ।
टुर्नामेन्टबाट उठेको सम्पूर्ण रकम रंगशालाको निर्माणमा प्रदान गरिने आयोजकले जानकारी दिएका छन्।
