काठमाडौ, ३० माघ । निर्माण तथा निर्देशन बन्न लागेको दीवाकर भट्टराईको सिनेमा ‘तिमीसँगै हुने मन छ’मा मुम्बईका रोहित सुचान्तीले अभिनय गर्ने भएका छन्।
मुम्बईमा जमेका कलाकार रोहित सुचान्तीले नेपाली चलचित्रमा डेब्यू गर्ने लागेका हुन् । पछिल्लो केही समयदेखि फेरि नेपाली चलचित्रमा भारतीय कलाकार तथा प्राविधिक भित्राउने क्रम चलेको छ ।
रोहित ‘तुने प्यार क्या किया’ र ‘रिश्ता लिखेंगे हम नयाँ’ लगायत आधा दर्जन टेलिसिरियलका मुख्य अभिनेता हुन्।
‘तिमीसँगै हुने मन छ’मा यस अगाडी नै अभिनेत्री दीपिका प्रसाईं अनुबन्धित भइसकेकी थिइन् ।
चैतको पहिलो हप्ताबाट छायांकनमा जान लागेको सिनेमामा अन्य कलाकारहरु भने केही दिनपछि फाइनल गरिने जानकारी प्राप्त भएको छ।
ओम नम शिवाय प्रोडक्सनको ब्यानरमा निर्माण हुने सिनेमा प्रेमकथामा आधारित हुनेछ।
