मनपरी शुल्न लिने उपत्यका १३ विद्यालयलाई कारवाही गर्न विद्यार्थीको माग

मनपरी शुल्न लिने उपत्यका १३ विद्यालयलाई कारवाही गर्न विद्यार्थीको माग

काठमाडौँ  १२ जेठ ।   शुल्क निर्धारण मापदण्ड विपरित शुल्क लिने काठमाडौ उपत्यकाका १३ विधालयलाई कारबाही गर्न विधार्थी संगठनले माग गरेका छन् । नेवि सङ्घ, अनेरास्ववियु, अनेरास्ववियु क्रान्तिकारी, अखिल क्रान्तिकारीलगायत १४ विद्यार्थी सङ्ठनले संयुक्तरुपमा विद्यालय शुल्क निर्धारण मापदण्ड कार्यान्वयन नगर्ने विद्यालयलाई कारबाही गर्न माग गरेका हुन् ।

बुधबार राजधानीमा पत्रकार सम्मेलन गरी काठमाडौँ, ललितपुर र भक्तपुरका १३ विद्यालयलाई कारबाही गर्न शिक्षा मन्त्रालयसित माग गरेका हुन् ।

विद्यार्थी सङ्गठनले लिटिल एन्जेल्स, रातो बङ्गला, आइडियल मोडेल, डिएभी, जेम्स, सिद्धार्थ वनस्थली, वृहस्पति, ग्यालेक्सी, अक्सिडेन्टल, राजश्री गुरुकुल लगायतलाई कारबाही गर्न माग गरेका हुन् ।

स्रोतका अनुसार ती विद्यालयमा अनुगमन गर्दा कक्षा १ मा अधिकतम ३० हजारभन्दा बढी शुल्क उठाइएको, छात्रवृत्ति अनियमिता भएको, अनावश्यक शीर्षकमा शुल्क लिइएको, भौतिक संरचना मापदण्ड विपरित भएको जनाएको छ ।

Trending News