नबिल बैंकमा कालोधनको शंकाष्पद कारोबार, सामान्य व्यक्तिको खातामा २३ अर्ब ७५ करोड आएपछि.. !

दियो पोस्ट  

काठमाडौं, १८ वैशाख । चौधरी समुहको स्वामित्व रहेको नविल बैंकमा शंकास्पद रकम आउने गरेको खुलाशा भएको छ । वैंकमा खाता खोल्ने ग्राहकहरुको खातामा केही हजार रकम भएपनि अर्बौं रकम आउने गरेको पाइएको छ ।


एक खातावालाको खातामा २३ अर्बभन्दा बढी रकम आश्चर्यजनक तरिकाबाट जम्मा भएपछि यस्तो खुलाशा भएको हो । ती ग्राहकले आफ्नो खातामा उक्त रकम आएको थाहा पाएपछि तुरुन्त पैसा फिर्ता लैजान भन्दै बैंकका कर्मचारीलाई फोन गरेर रकम फिर्ता गराएका छन् ।


जल तथा वातावरण विज्ञ डा. सन्तोष नेपालको खातामा मंगलबार २३ अर्ब भन्दा बढी रकम जम्मा भएपछि उनले हैरानी खेप्नु परेको छ ।


‘आज नविल बैंकको मेरो खातामा २३ अरब ७५ करोड ९६ लाख ३३ हजार ७ सय छयाहत्तर रुपैयाँ छैसठ्ठी पैसा आएको थियो,’ नेपालले भने,‘यत्रो पैसा चाहिँदैन तिम्रो अरब पैसा तिमी नै लैजाउ बरु मेरो खातामा भएको केही हजार रकम फिर्ता देउ भनेको थिएँ । आधा घण्टा भइसक्यो यो नविल बैंकको भाइले समस्या समाधान गर्न सकेको छैन । विदेशबाट पैसा आएको हो सर भन्छन् । बल्ल बल्ल १ घण्टा फोनमा कुरा गरेपछि २३ अर्ब रुपैयाँ फिर्ता गर्न सफल भयौँ । आफ्नो खातामा भएको केही हजार रुपैयाँ पनि फिर्ता भयो बल्ल निन्द्रा लाग्यो ।’


गत वर्ष अर्को बैंक एनआइसि एसियामा स्विफ्ट ह्याक मार्फत ४६ करोड रुपैयाँ चोरी भएको थियो । तर, नविल बैंकमा भने विदेशबाट पैसा आएकाले कालो धन आएको आशंका बढेको छ ।


नबिल बैंकमा कालो धन आउने गरेको यसअघि पनि खुलाशा भएको थियो । केही ग्राहकको पैसा नै गायव हुने र कसैको खातामा हुँदै नभएको रकम जम्मा हुने गरेको खुलाशा भएको थियो ।


विदेशबाट आउने कालो धनलाई कर्मचारीले व्यवस्थापन गर्न नसक्दा बैंकमा खाता खोल्ने सर्वसाधरणको खातामा जम्मा हुने गरेको पाइएको छ । यसैको प्रमाणको रुपमा सन्तोषलाई लिन सकिन्छ । नबिल बैंकको प्रमुख कार्यकारी अधिकृत अनिल केशरी शाह आएपछि यस्ता घटना बढ्न थालेको छ ।


स्रोतका अनुसार बैंककै सेटिङमा ग्राहकको खातामा कालोधन ल्याउने र पैसा ट्रान्सफर गर्ने धन्दा नै नविल बैंकमा चलिरहेको छ । तर, नियामक निकाय राष्ट्र बैंक बेखबर जस्तै बनिरहेको छ ।