काठमाडौं, १३ असार । प्रधानमन्त्री केपी शर्मा ओलीको ठाडो प्रस्तावमा नेपाल नागरिक उड्डयन प्राधिकरण (क्यान)को महानिर्देशकमा राजन पोखरेल नियुक्त भएका छन् । 
केही बेरअघि बसेको मन्त्रिपरिषद बैठकमा प्रधानमन्त्रीले क्यानको महानिर्देशकमा पोखरेललाई नियुक्त गर्ने ठाडो प्रस्ताव गरेका थिए ।
मन्त्रीपरिषदको एजेन्डामा यो एजेन्डा नभएपनि ओलीले एकलौटी ढंगबाट उनलाई नियुक्ती गर्न प्रस्ताव गरेका थिए ।
२०४७ सालमा तत्कालिन हवाई विभागको प्राविधिक अधिकृतको रुपमा नियुक्त भएका उनी म्यानेजमेन्टमा स्नातकोत्तर र कानुनमा स्नातक (एलएलबी) हुन् ।
प्राधिकरणको महानिर्देशकका लागि विभिन्न व्यक्तिको प्रतिष्पर्धा रहेको थियो ।
हाल डेपुटि डाइरेक्टर रहेका देवानन्द उपाध्यायलाई महानिर्देशक बनाउनुपर्ने माग समेत प्राधिकरणमा उठेको थियो ।
