काठमाडौं, २१ भदौ । ट्रेकिङ एजेन्सिज एशोसियशन नेपाल टानको अध्यक्षमा खुम सुवेदी विजय भएका छन् । राजधानीको होटल सोल्टी क्राउन प्लाजामा सम्पन्न टानको ४१ औँ साधारण सभामा भएको निर्वाचनमा प्रजातान्त्रिक समुहका सुवेदी विजयी भएका हुन् ।
नेपाली कांग्रेस निकट रहेका सुवेदीले नेकपा निकट भनिएका अन्जन थापा कुमारलाई पराजित गरी अध्यक्ष निर्वाचित भएका हुन् ।
सुवेदीले ५२१ मत ल्याए । पराजित थापाले ४३८ मत ल्याए । उनीहरुबीच ८३को मतान्तर रहेको छ । यता महासचिवमा भने अन्जन थापा समुहकी सरिता लामा १३ मतान्तरले विजयी भएकी छिन् । उनका प्रत्यासी सुवेदी समुहका कर्मा शेर्पा पराजित भए ।
नयाँ कार्यसमितिमा सुवेदी समुहकै उपाध्यक्षहरु निर्वाचित भभएका छन् । बरिष्ठ उपाध्यक्षमा नविन त्रिताल, प्रथम उपाध्यक्षमा चोलेन्द्र बहादुर कार्की, द्धितीय उपाध्यक्षमा भरत सापकोटा सुवेदी समुहकै हुन् । सचिवमा भने थापा समुहका दामोदर ढकाल निर्वाचित भएका छन् ।
