काठमाडौं । त्रिकोणात्मक टी-२० सिरिज अन्तर्गत त्रिवि कीर्तिपुरमा जारी खेलमा नेपालले नेदरल्यान्ड्सलाई १८५ रनको लक्ष्य दिएको छ। टस हारेर पहिले ब्याटिङको निम्तो पाएको नेदरल्यान्ड्ले निर्धारित २० ओभरमा ४ विकेट गुमाउँदै १८४ रन बनाएको हो।
नेदरल्यान्ड्सका ब्याटर मिचेल लेभिटले ३६ बल खेल्दै ५४ रन बनाएर उनले ५ चौका र ३ छक्का प्रहार गरे। यस्तै अर्का ब्याटर सिब्रान्ड इन्जेलब्रेचले ४ चौका र १ छक्काको मद्दतले ४९ रन बनाए। तेजा निदामानुरुले ३१ रनको योगदान दिए।
यस्तै स्कट एडवार्डले दीपेन्द्रसिंह ऐरी रआशिफ शेखबाट रनआउट हुनुअघि ३३ रनको योगदान दिए। उनले ४ चौका र १ छक्का हाने। म्याक्स डाउड ४ रनमा करन केसीको बलमा आउट भए।
नेपालका बलर करन केसी र कुशल मल्लले १र१ विकेट लिए।
