पोखरा, ७ चैत । गजल सन्ध्या पोखरा र नवनित साहित्य सागरद्वारा सञ्चालित ‘अक्षरयात्रा प्रतिभा पुरस्कार, २०७२’ साहित्यकार जीवनसागर भण्डारीलाई प्रदान गरिने भएको छ ।
साहित्यिक अभियानअन्तर्गत साहित्य कर्म र सिर्जनशीलतामा योगदान पु¥याएबापत उहाँलाई सो पुरस्कारबाट सम्मान गरिने भएको हो ।
भरतपोखरीमा जन्मेर पोखरामा लामो समयदेखि साहित्य र गीत–सङ्गीतमा क्रियाशील भण्डारीले कविता, गजल, मुक्तक, कथा, गीतलगायतमा कमल चलाउँदै आएका छन्
चैत महिनाको तेस्रो शनिबार ढिकुरपोखरी–४ मा हुने १२८औँ अक्षरयात्राका क्रममा भण्डारीलाई नगद, सम्मानपत्र र दोसल्लासहित पुरस्कृत गरिने सन्ध्याका अध्यक्ष बिर्सना बस्नेतले जानकारी दिए ।
