कोकाकोलाले ७ अर्ब ४३ करोड राजश्व छली गरेको अभियोगमा अदालतमा मुद्दा दायर

diyopost.com
दियो पोस्ट  शुक्रबार, फाल्गुण २७, २०७८ | २०:२९:०४

काठमाडौं । कोकाकोला उत्पादक बहुराष्ट्रिय कम्पनि नेपालस्थित बोटलिङ प्लान्ट बोटलर्स नेपाल लिमिटेडको स्वामित्व किनबेचमा अर्बौ लाभकर छली भएको खुलाशा भएको छ । करछलीको अनुसन्धान थालेको १४ महिनापछि राजश्व अनुसन्धान विभागले मुद्दा दायर गरेको छ । विभागले ७ अर्ब ४३ करोड ६३ लाख भन्दा बढी राजश्व छली भएको दाबी गदै सोही बमोजिम विगो मागदाबी गरेर अदालतमा मुद्दा दायर गरेको हो ।

विभागले उच्च अदालत पाटनमा आज मुद्दा दायर गरेको हो । विभागले ९ जना सचालकसहित ८ जना कर्मचारीमाथि समेत मुद्दा लगाएकाे छ ।

त्यस्तै कम्पनिमा कार्यरत ८ जना उच्च तहका कर्मचारीलाई कैद सजाय समेत माग भएको छ । जसमा म्यानेजिङ डिरेक्टर प्रदिप पाण्डे र अन्य विभिन्न पद र अहोदामा रहेका पुनित चन्दपाल, राजिभ टन्डन, भरतबाबु दाहाल, सुमित गोयल, अशोक कुमार मण्डल, त्रिलोचन उप्रेति र सञ्जिव कुमार मिश्र रहेका छन् । यसअघि उच्च अदालत पाटनले तीन पुस्ते नखुलेको भन्दै अभियोग पत्र दर्ता गर्न अस्विकार गर्दै आएको थियो ।

 

 

विभागले कोकाकोलाको नेपालका लागि बोटलिङ कम्पनी बोटलर्स नेपाल लिमिटेडमा २०७७ मंसिर २३ गते छापा मारेको थियो ।

कोकाकोलाले गरेको करछली प्रकरणबारे नेपाली संचार माध्यममा पहिलो पटक पत्रकार गजेन्द्र बुढाथोकीले आफू कार्यरत संचार माध्यम लुम्बिनी सञ्चार डटकम र टक्सार म्यागिजिन मार्फत खुलाशा गरेका थिए ।

 

 

प्रेस विज्ञप्ती

 

राजस्व अनुसन्धान विभागबाट बोटलर्स नेपाल लिमिटेड समेत रहेको राजस्व चुहावट सम्बन्धी मुद्दा उच्च अदालत पाटनमा मिति २०७८।१1।27  गते दायर गरिएको ।

 

 

 

  • कसूरको संक्षिप्त विवरण तथा बिगो:

नेपाल स्थित बोटलर्स नेपाल लिमिटेडमा अधिकांश शेयर स्वामित्व रहेको दुवई स्थित कम्पनि कोका कोला साब्को एशिया (Coca Cola SABCO Asia Limited)को शत प्रतिशत शेयर सन् २०१४ अक्टोबर २४ तदअनुसार 2071/07/07 मा कोका कोला साब्को (Coca Cola SABCO) ले आयरलैण्ड स्थित यूरोपियन रिफ्रेसमेन्ट (Europian Refreshment) लाई विक्री गरेको कारणबाट वोटलर्स नेपाल लिमिटेडमा रहेको निहित शेयर स्वामित्वमा परिवर्तन भै  सोबाट कम्पनिको नियन्त्रणमा परिवर्तन भएको ।

 

कोकाकोला साब्को र यूरोपियन रिफ्रेसमेन्टवीच शेयर कारोबार हुँदाको समयमा वोटलर्स नेपाल लिमिटेडको प्रतिकित्ता शेयरको स्वतन्त्र बजार मूल्य रु. ३,८८३।00 हुने र सोमा कोकाकोला साब्कोको प्रतिकित्ता शेयर खरीद मुल्य रु. ५३६।00 लाई लागतको रुपमा घटाउँदा हुन आउने रकम रु. ३,३४७।00 प्रतिकित्ता पूँजीगत लाभ हुने अनुसन्धानबाट पुष्टि भएको। सोहि आधारमा कोकाकोला साब्को एशियाको बोटलर्स नेपालमा रहेको शेयर संख्या १४८४३०१ को बिक्री वापत जम्मा रु.४,९६,७९,५५,४४७।00 पूँजीगत लाभ कायम हुने र सोमा आयकर ऐन, २०५८ को अनुसुची १ को दफा २(१) बमोजिम २५% का दरले  रु १,२४,१९,8८,८६२।00, ऐ.ऐनको दफा ७(१) वमोजिमको शुल्क (०.१ प्रतिशत) का दरले हुने रु.३,४१,००,९५०।00 ऐ. दफा ११८ बमोजिमको व्याज १५ प्रतिशतका दरले हुने रु.९,७८,०६,६२२।00, ऐ. दफा ११९ बमोजिमको व्याज १५ प्रतिशतका दरले हुने रु.१,१०,२२,६५,११५।00 र ऐ.ऐनको दफा १२०(ख) बमोजिमको शुल्क रु १,२४,१९,८८,8६२।00 समेत कुल विगो रु. ,७१,८१,५०,४११।00 राजस्व चुहावट(अनुसन्धान तथा नियन्त्रण) ऐन, २०५२ को दफा २को उपदफा (छ१) बमोजिमको बिगो बराबरको राजस्व चुहावट भएको अनुसन्धानबाट पुष्टि भएको।

 

बोटलर्स नेपाल लिमिटेडको निहित शेयर स्वामित्वमा परिवर्तन भएको सम्बन्धमा उक्त कम्पनिले ठूला करदाता कार्यालय लगायत सम्बन्धित निकायहरुमा कुनै जानकारी नदिई तथा शेयर स्वामित्व परिवर्तन हुनुपूर्व तथा पछाडीको आयकर ऐन 2058 को दफा 57 को प्रक्रया पूरा गरी आ.व. 2071।072 को छुट्टाटुट्टै आय विवरण पेश नगरि तथा निहित शेयर स्वामित्वमा परिवर्तन भएको कारणले सिर्जना हुने आयकर ऐन २०५८ बमोजिमको कर दायित्व पुरा नगरी राजस्व चुहावट गर्ने उद्देश्यले राजस्व चुहावट (अनुसन्धान तथा नियन्त्रण) ऐन २०५२ को दफा ४ को देहाय (क), (च) र (झ) बमोजिमको कसुर गरेको पुष्टि भएको ।

 

  • प्रतिवादीहरुको विवरण:
  • जिल्ला काठमाडौं, का.म.न.पा. वडा नम्बर 16 बालाजु ‌औधोगिक क्षेत्र स्थित बोटलर्स नेपाल  लिमिटेड(स्थायी लेखा नम्बर 300048362)
  • ऐ. कम्पनिको सञ्चालक समितिमा उक्त कम्पनीको शेयरहोल्डर सयुक्त अरब ईमिरेट्सको दुबई स्थित कम्पनि कोका कोला साउथवेष्ट होल्डिङ लिमिटेड साविकको कोका कोला साब्को एशियाको तर्फबाट प्रतिनिधित्व गर्ने देहाय बमोजिमका वोर्डका सदस्यहरुः
क्र.सं.प्रतिवादीको नाम, थरजिम्मेवारी
1=Ms. Shukla WassanChairperson
2=Melvin Tan Chun PinDirector
3=Mohamed Amin GhoneimDirector
4=Mr. Gaurav KhoslaDirector
5=Sundeep BajoriaDirector
6=Debabrata MukherjeeDirector
7=Mr. Sumanta DattaDirector
8=Mr. Jawahar Solai KuppuswamyDirector
9=Mr. Sanket RayDirector

 

  • ऐ. कम्पनिको प्रवन्ध निर्देशक र आर्थिक कारोबार तथा लेखापरीक्षणको मुख्य जिम्मेवारीमा रहेका देहाय बमोजिमका पदाधिकारीहरुः
क्र.सं.प्रतिवादीको नाम थरजिम्मेवारी
1=Mr. Pradip PandeyManaging Director
2=Mr. Puneet Chandrapal VarshneyManaging Director
3=Rajeev TandonFinance Manager
4=भरतबाबु दहालFinance Manager
5=Sumit GoyalFinance Manager
6=अशोक कुमार मण्डलFinance Controller
7=डा. त्रिलोचन उप्रेतीBoard Director
8=संजिव कुमार मिश्रChartered Accountant

 

 

  • सजायको मागदावी:

Offshore Indirect transaction मार्फत बोटलर्स नेपाल लिमिटेडको निहित शेयर स्वामित्वमा भएको परिवर्तन अनुसार कर दायित्व बहन नगरी बोटलर्स नेपाल लिमिटेडबाट राजस्व चुहावट (अनुसन्धान तथा नियन्त्रण) ऐन, २०५२ को दफा ३ विपरित ऐ, दफा ४ को (क) र (च) वमोजिम र सो ऐनको संसोधित व्यवस्थामा निरन्तरता दिइएको दफा ४(क) र (च) बमोजिम कार्य गरि राजस्व चुहावटको कसूर गरेको पुष्टि भएकोले प्रतिवादीहरु बोटलर्स नेपाल लिमिटेड,  Ms. Shukla Wassan, Melvin Tan Chun Pin, Mohamed Amin Ghoneim, Mr.Gaurav Khosla. Sundeep Bajoria, Debabrata Mukherjee, Mr. Sumanta Datta, Mr. Jawahar Soali Kuppuswamy र Mr.Sanket Ray लाई राजस्व चुहावट (अनुसन्धान तथा नियन्त्रण) ऐन, २०५२ को दफा २३(१)(संसोधित दफा २३(१)) बमोजिम  बिगो रकम रु ,७१,८१,५०,४११।00  असुल गरी बिगोको शत प्रतिशत जरिवाना रु.,७१,८१,५०,४११।00 गरी जम्मा रु. 7,43,63,00,822।00 (अक्षरेपी सात अर्ब त्रिचालिस करोड त्रिसठ्ठी लाख आठ सय बाइस मात्र) ऐ.दफा २३(१)(घ) बमोजिम कैद सजाय र दफा २३(४) बमोजिम ब्याज समेत असुल गर्न र प्रतिवादीहरु Mr. Pradip Pandey, Mr. Puneet Chandrapal Varshney, Rajeev Tandon, भरतबाबु दाहाल, Sumit Goyal, अशोक कुमार मण्डल,  डा.त्रिलोचन उप्रेती तथा संजिव कुमार मिश्रलाई  राजस्व चुहावट (अनुसन्धान तथा नियन्त्रण) ऐन, २०५२  को दफा ४(झ) र दफा २३(३) को कसुरमा ऐ. दफा २३(३) बमोजिम सजाय हुन मागदावी लिई अभियोग पत्र दायर गरिएको छ।

 

 

 

सम्बन्धित खबर