राहत कोषको २० लाख प्रमलाई हस्तान्तरण

diyopost.com
bestnp  शनिबार, चैत्र २०, २०७२ | ११:४६:५३

काठमाडौँ, २० चैत । एसियाली बक्सिङ महासङ्घका उपाध्यक्ष तथा थाइल्यान्ड बक्सिङ सङ्घका अध्यक्ष डा पिचाइका पुत्र डान चुन हाभा जिराले प्रधानमन्त्री दैवीप्रकोप राहत कोषलाई रु २० लाख ९२० हजार अमेरिकी डलर उपलब्ध गराए।

उहाँले भूकम्पपीडितको सहयोगार्थ सङ्कलन गरिएको उक्त रकमबराबरको चेक प्रधानमन्त्री केपी शर्मा ओलीलाई आज प्रधानमन्त्री निवास बालुवाटारमा हस्तान्तरण गरे ।

परिवारका अन्य सदस्य तथा नेपाल बक्सिङ सङ्घका अध्यक्ष राजीव श्रेष्ठलगायत सङ्घका पदाधिकारीको उपस्थितिमा जिराले उक्त सहयोग हस्तान्तरण गरेका हुन ।

कक्षा १० मा अध्ययनरत १५ वर्षीय जिराले बैंककमा आफू अध्ययनरत रमरुडी इन्टरनेसनल स्कुलमा आफ्नी बहिनीसँग मिलेर साङ्गीतिक कार्यक्रम गरेर रकम जम्मा गरेकि हुन । सो क्रममा उनले उक्त विद्यालयमा अध्ययनरत विद्यार्थीबाट समेत आर्थिक सहयोग सङ्कलन गरेकि थिइन । सोही सङ्कलित रकमलाई बक्सिङ सङ्घको पहलमा राहत कोषमार्फत भूकम्पपीडितको सहयोगार्थ हस्तान्तरण गरिएको हो ।

यसैबीच, आजै एक कार्यक्रममा बक्सिङ सङ्घले डा पिचाइ र जिरालाई प्रशंसापत्र प्रदान गरेको थियो ।

सम्बन्धित खबर