इम्बुङमा ज्येष्ठ नागरिक सम्मान

diyopost.com
bestnp   बुधबार, बैशाख १५, २०७३ | ५:४२:३४

पाँचथर, १५ वैशाख । पाँचथर जिल्लाको इम्बुङमा मङ्गलबार आयोजित एक कार्यक्रमबीच ज्येष्ठ नागरिकलाई सम्मान गरिएको छ ।

जिल्ला स्वास्थ्य कार्यालय पाँचथरको आयोजनामा इम्बुङ स्वास्थ्यचौकीमा ७५ वर्ष माथिका १७ महिला र १३ जना पुरुष ज्येष्ठ नागरिकलाई सम्मान गरिएको कार्यक्रमका फोकल पर्सन हरि गुरागाँर्ईले बताए ।

उनका अनुसार ती ज्येष्ठ नागरिकलाई कमिज, सुरुवाल, साडी, चोलो र बाटो खर्चबापत २०० रुपैयाँ दिएर सम्मान गरिएको हो । उनीहरुलाई सचेतनामूलक सन्देशसमेत दिइएको थियो ।

कार्यक्रम जिल्ला स्वास्थ्य कार्यालय पाँचथरका चिकित्सक पवनकुमार शाहको उपस्थितिमा इम्बुङ स्वास्थ्यचौकी व्यवस्थापन समितिका अध्यक्ष देशकुमार नेम्वाङको अध्यक्षतामा सम्पन्न भएको थियो ।

सम्बन्धित खबर