दियोपोस्ट संवाददाता
धादिङ, ५ जेठ । धादिङको बेनिघाट रोराङ गाउँपालिका २ ताल्तिमा निर्माणाधिन ह्वासिन सिमेन्ट नारायणी प्रा.लीको लापरबाहीका कारण एक बालकको मृत्यु भएको छ ।
मलेखु खोला नै कब्जा गरी निर्माण भइरहेको सिमेन्ट उद्योगले सडक निर्माणका क्रममा स्क्याभेटरले खनेको खाल्टोमा परी बालकको निधन भएको हो । निधन हुनेमा स्थायी घर सिद्धलेख गाउँपालिका १ घर भएका ८ वर्षिय केदार गिरी रहेका छन् ।
उद्योगले बेनिघाट रोराङ तर्फबाट मलेखु खोलाकै अस्तित्व सकिने गरी सडक निर्माण गरिरहेको छ । सोही सडक खण्डमा खनेको खाल्टोमा जमेको पानीमा परी गिरीको निधन भएको हो ।
बेनिघाट रोराङ गाउँपालिका ३ चारसेफाँटमा सडक निर्माणका क्रममा गिरीको निधन भएको हो ।
उनका बाबु आमा सामान्य ज्याला मजदुरी बसेर चारसे फाँटमा बस्दै आएका थिए ।
स्थानिय जनजागृति आधारभूत विद्यालयमा कक्षा २ मा अध्ययनरत मृतक बालकको परिवारलाई क्षतिपूर्ति दिने सहमति भएपछि घटना मिलाइएको छ ।
स्थानियबासीले बालकको मृत्यु भएपछि दोषीलाई कारबाहीको माग गर्दै आन्दोलन नै गरेका थिए ।
याे पनि पढ्नुहाेस्
