बंगलादेशमा चट्याङ लागेर १६ जना जन्तीहरुको मृत्यु, १२ घाइते

diyopost.com
दियो पोस्ट  बिहिबार, साउन २१, २०७८ | १४:३९:०८

काठमाडौं, २१ साउन । बंगलादेशमा जन्ती सवार डुंगामा चट्याङ पर्दा १६ जनाको मृत्यु भएको छ । बेहुलासहित १२ जना घाइते भएका छन् ।

बुधबार बंगलादेशको पश्चिमोत्तर जिल्ला चापाइन्बाबगञ्ज जिल्लाको शिवगञ्ज भन्ने स्थानमा जन्तीहरुमाथि चट्याङ परेको हो ।

मुख्य प्रशासनिक अधिकारी साकिब अल रब्बीले घटनाको पुष्टि गर्दै १६ जनाको मृत्यु भएको जानकारी दिएका हुन् ।

अचानक मेघगर्जन पानी पर्न थालेपछि डुंगाबाट एक(एक जना गर्दै ओर्लिएर आश्रय लिन लाग्दा उनीहरुमाथि चट्याङ लागेको थियो । एजेन्सी

सम्बन्धित खबर