भारतका पूर्वप्रधानमन्त्री बाजपेयी भन्छन्- यो नाथे उमेरको के कुरा ?

कविता

diyopost.com
दियो पोस्ट  शनिबार, कार्तिक १३, २०७८ | १५:२९:०२

भारतका पूर्वप्रधानमन्त्री अटल बिहारी वाजपेयी (जन्म २५ डिसेम्बर, १९२४- मृत्यु १६ अगस्त २०१८ )  भारतीय जनसङ्घको स्थापना गर्नेमध्येका एक व्यक्ति हुन् । उनी १९६८ देखि १९७३ सम्म जनसङ्घको अध्यक्ष पनि रहे।  जीवनभर भारतीय राजनीतिमा सक्रिय रहेका बाजपेयी हिन्दी कवि पनि हुन्। उनले लामो समयसम्म राष्ट्रधर्म, पाँचजन्य र वीर अर्जुन आदि राष्ट्रिय भावनाले ओत-प्रोत पत्र-पत्रिकाहरूको सम्पादन गरेका थिए। प्रस्तुत छ, उनको कविता  ‘ऐसी कि तैसी’ को नेपाली अनुवाद:

यो नाथे उमेरको के कुरा ?

घर चाहे जस्तोसुकै होस्

घरको एक कुनामा

खुलेर हास्न सक्ने ठाउँ राख्नु।

***

सूर्य कति नै दूर होस्

उसलाई घरसम्म आउने बाटो दिनु।

***

कहिलेकाही छतमाथि चढेर

तारा अवश्य गन्ने गर्नु,

सकिन्छ भने हात लम्काएर

चन्द्रमालाई छुने कोसिस गर्नु।

***

यदी मानिसहरूसँग मिलजुल गरिरहनु छ भने

घरमा एक ठूलो आँगन राख्नु।

***

वर्षाको पानीमा भिज्न दिनु

उछलकुद गर्छन्, गर्न दिनु,

सकिन्छ भने बच्चाहरूलाई

एक कागजको डुंगा चलाउन दिनु।

***

कहिले फुर्सद भए, र आकाश पनि सफा भए

एउटा चंगा आकाशतर्फ उडाउनु,

सकिन्छ भने ‘चंगा चैट’ पनि गर्नु।

***

घरको सामुन्ने एक रुख लगाउनु

रुखमा बसेका पंक्षीहरूको

कुराकानी अवश्य सुन्ने गर्नु।

***

घर चाहे जस्तोसुकै होस्

घरको एक कुनामा

खुलेर हास्न सक्ने ठाउँ राख्नु।

***

जतासुकैबाट हिँड्डुल गर्नुस्

मीठो हलचलको आन्नद उठाउनुस्।

***

उमेरको हरे एक क्षण मोहक छ

आफ्नो उमेरको मजा लिनुस्

***

खुसमिजाज रहनुस् जनाब,

अनुहारमा यो उदासी किन ?

समय उसै पनि बितीरहेकै छ

यो नाथे उमेरको के कुरा ?

(अनु : राजु झल्लु प्रसाद)

सम्बन्धित खबर