साहित्यकार लक्ष्मी श्रेष्ठको कथा सङ्ग्रह ‘खुला जेल’ विमोचन !

दियो पोस्ट  

अमेरिका । अमेरिकामा रहेर नेपाली साहित्यिक कृति सिर्जना गरिरहेकी साहित्यकार लक्ष्मी श्रेष्ठले आफ्नो चौथो कृति ‘खुला जेल’ कथा संग्रह प्रकाशनमा ल्याएकी छन् ।

अन्तर्राष्ट्रिय नेपाली साहित्य समाज (अनेसास), न्युयोर्क च्याप्टरको उपाध्यक्ष समेत रहेकी साहित्यकार श्रेष्ठको उक्त कथा संग्रहको लोकार्पण अमेरिकाको न्युयोर्कस्थित क्वीन्स पब्लिक लाइब्रेरीमा सम्पन्न भएको छ ।

अनेसास न्युयोर्क च्याप्टरका महासचिव साहित्यकार जानुका वस्ती ढकालको स्वागत मन्तव्यबाट सुरू भएको थियो ।
साहित्यकार समीक्षक रश्मि भट्टले कथा संग्रहको समीक्षा गर्दै अमेरिका र अमेरिकन पृष्ठभूमिलाई आधार बनाएर लेखिएका कथाहरू ज्ञानबर्द्धक हुनुका साथै सूचनामुलक पनि रहेको बताइन् । उनले कथाकारले आफ्नो साहित्ययात्रामा एउटा नौलो फड्को मारेको उल्लेख गरिन् ।
त्यसैगरी केन्द्रीय उपाध्यक्ष साहित्यकार राजेन्द्र श्रेष्ठले सबैसँग सहकार्य गरेर अगाडि बढ्न सके र स्वस्फूर्त नेपाली साहित्यलाई माया गर्न सकियो भने नेपाली साहित्यको जगेर्ना हुन सक्ने भन्दै सर्जकलाई बधाई र शुभकामना समेत दिए ।

तारा(किसन फ़ाउण्डेशन का संस्थापक कवि किशनसिंह धामीले विगत ३ वर्षदेखि वर्षैपिच्छे कृतिहरु एकपछि अर्को गर्दै पाठकहरु माझ ल्याउन सकेकोमा कथाकार लक्ष्मीलाई बधाई दिनुभयो ।

स्रष्टालाई शुभकामना दिने क्रममा न्युयोर्क सिटी मेयरका सल्लाहकार तथा समाजसेवी नवराज केसी, एनआरएनए न्युयोर्क च्याप्टरका सचिव तथा गोर्खा समाजका सकृय कार्यकर्ता वसु लामिछाने, न्युयोर्कबाट सञ्चालित सरल नेपाली भाषा केन्द्रकी अध्यक्ष साहित्यकार पद्मा लिंखा मगर, अनेसास न्युयोर्क च्याप्टरका सचिव साहित्यकार नदिया लिबाङ तथा मिली श्रेष्ठले बधाई तथा शुभकामना व्यक्त गर्नुभएको थियो ।

स्रष्टालाई सम्मान स्वरूप मायाको चिनो उपहार दिँदै तारा किसन फ़ाउण्डेशनका संरक्षक तारा धामीले बधाई र शुभकामना व्यक्त गर्नुभएको थियो । त्यसैगरी कार्यक्रममा कलाकार संगीता उप्रेती, अनेसास न्युयोर्क च्याप्टरका पूर्व कोषाध्यक्ष बेदा खरेल, ज्योती राई, बाबुराम देवकोटा, उत्तम पाण्डे, कोरोना कथाका सर्जक पासाङ शेर्पा, कवि कुमार न्यौपाने, विश्व थापा लगायत कार्यक्रममा उपस्थित अन्य थुप्रै साहित्य अनुरागीहरूले पनि स्रष्टालाई फूल, खादा र सल ओढाएर शुभकामना र बधाई ज्ञापन गर्नुभएको थियो ।

क्वीन्स लाईब्रेरीको शान्त सुमधुर वातावरणमा सम्पन्न भएको लोकार्पण कार्यक्रम अनेसास केन्द्रीय सदस्य साहित्यकार शकुन ज्ञवालीले संचालन गर्नु भएको थियो भने उपस्थित सम्पूर्ण अतिथिहरुलाई धन्यवाद साथै आभार व्यक्त गर्दै सभाका सभापति साहित्यकार राजन महर्जनले विमोचित कथासंग्रहले नेपाली साहित्यमा राम्रै स्थान हासिल गर्ने विचार व्यक्त गर्नुभयो ।

सम्बन्धित खबर