सन्दीपले फेरि आईपीएल खेल्ने पक्‍का

diyopost.com
Diyo post  शुक्रबार, कार्तिक ३०, २०७५ | ७:५३:४७

काठमाडौं, कात्तिक ३० । नेपाली युवा लेग स्पिनर सन्दीप लामिछानेले सन् २०१९ को सिजन पनि विश्वकै चर्चित र महँगो फ्रेन्चाइज क्रिकेट लिग इन्डियन प्रिमियर लिग ९आईपीएल० खेल्ने भएका छन्। उनलाई सिजनअघि नै पूर्वक्लब दिल्ली डेयरडेभिल्सले ‘रिटेन’ ९सुरक्षित० गरेको हो।

आईपीएलमा खेलाडी अक्सनअघि आफूसँग भएका खेलाडी सुरक्षित गर्ने र छाड्ने अधिकार हुन्छ। त्यही अधिकार प्रयोग गर्दै दिल्लीले सन् २०१९ का लागि १४ खेलाडी सुरक्षित गर्दा सन्दीप पनि परेका हुन्।

दिल्लीले रिटेनसम्बन्धी जानकारी सन्दीपलाई बिहीबार बिहानै गराएको थियो। उनलाई दिल्लीले सुरक्षित गरेको मूल्य भने खुलाएको छैन। ‘दिल्लीले सन्दीपलाई सुरक्षित गरेको जानकारी गराएको हो’, सन्दीपका व्यवस्थापक रमण सिवाकोटीले भने। सन्दीप आईपीएलको लगातार दुई सिजन खेल्ने पहिलो नेपाली खेलाडी बन्नेछन्। उनलाई गत सिजन दिल्लीले २० लाख भारुमा खरिद गरेको थियो। आईपीएल खेलेयता सन्दीप विदेशी लिग खेल्न व्यस्त छन्।

दिल्लीले सन्दीपसँगै नयाँ सिजनका लागि श्रेयस ऐयर, पृथ्वी शाह, ऋषभ पन्त, मन्जोत कार्ला, कोलिन मुन्रो, क्रिस मोरिस, जयन्त यादव, राहुल तेवाटिया, हर्सल पटेल, अमित मि श्रा, काजिसो रबाडा, टे«न्ट बोल्ट र अभेश खानलाई पनि सुरक्षित गरेको छ।

यद्यपि गत सिजनका कप्तान गौतम गम्भीर, जेसन रोय, गुरकिरतमान, ग्लेन म्याक्सवेल, मोहम्मद सामी, डान क्रिस्टियन, विजय शंकर, अभिषेक शर्मा, सहबाज नदिम, सयन घोस, लियम प्लङ्केट, जुनियर दला र नमन ओझालाई भने ‘रिलिज’ गरेको छ।शुक्रबारको अन्नपुर्णपोष्टमा खबर छ ।

सम्बन्धित खबर