–हाम्रो कारणले एकीकरण भाडिनुपर्ने कुनै कारण नै छैन । राष्ट्रिय प्रजातन्त्र पार्टी नामका अन्य पार्टीहरुसमेतलाई एकीकृत बनाएर अघि बढ्ने भनेर हामीहरुले नै प्रस्ताव गरेका हौँ । हाम्रो पार्टीको अध्यक्ष कमल थापाले नै यसको नेतृत्व गरिरहनुभएको छ । हामीले भाँडेको भन्दा पनि उहाँहरु नै सहमतिमा आउन नसक्नुभएको हो । समान विचार राख्ने अन्य शक्तिहरुसँग पनि मिलेर, सहकार्य गरेर जानुपर्छ भन्ने आवश्यकता हामीले ठानेका छौँ ।
–हाम्रै पार्टी राप्रपाको सक्रियतामा यो एकीकरण प्रक्रिया हाम्रै कारणले भाँडियो भन्न मिल्दैन । उहाँहरुले के भन्नुभयो, भन्ने कुराको जवाफदिईराख्नुपर्ने कुनै कारण म देख्दिन । तर के हो भने, संस्थापन पक्ष हुनाको नाताले आफू सरहको जिम्मेवारीमा काम गरौँ भनेर अध्यक्ष कमल थापाले प्रस्ताव गर्दा एकीकरण प्रक्रिया कसले भाँडेको हुन्छ ? हिन्दु राष्ट्र, संवैधानिक राजसंस्था, र संघियता होईन सुदृढ स्थानीय स्वायत्त शासनको पक्षमा पार्टीलाई एक गराएर जौँ भनेर हामीले भनेका हौँ । सैद्धान्तिक रुपमा महाधिवेशनले जे निर्णय गरेको छ, त्यसलाई साझा मुद्धा बनाऔँ भनेका होँ । यहाँभन्दा हरु हामीले के भन्ने हो र ।
–उहाँहरुले हिन्दु राष्ट्र र संवैधानिक राजसंस्थाको मुल मुद्धालाई स्वीकार गरेको भोलिपल्टै पार्टी एकीकरण हुन्छ । अन्यथा यो विषयमा उहाँहरु सहमत हुन सक्नुभएन भने, हामी नै पछाडी हट्छौँ । कम्युनिष्ट वा अरु पार्टीमा नलागेर छुट्टै पार्टी खोल्नु भनेकै हामीले यी मुद्धालाई संस्थागत गर्नु हो । यी मुद्धामा उहाँहरु सहमत हुनुहुन्छ भन्ने मलाई लाग्छ ।
–केही विषय बाहेक नेतृत्व लगायत विषयमा कुरा मिलिसकेको छ । कात्तिक २६ गते पार्टी एकीकरण गर्ने भनेर सबै तयारी पनि भएको हो । पार्टी एकताको घोषणा गर्ने भनेर सभागृह समेत बुक भैसकेको र प्रतिनिधिहरु तोकेर काम समेत अघि बढिसक्दा भाँडिएको हो । उहाँहरुले एकाएक आएर तयारी अझै पुगेन भन्नुभयो । त्यसैले एकीकरण रोकिएको हो । सैद्धान्तिक कुरामा उहाँहरुको बिमति आयो भने त, पार्टी एकता हुन सक्दैन, हामी नै ‘ब्याक’ हुन्छौँ । हामी नै ढोका बन्द भयो भन्दिन्छौँ ।
– उहाँहरु र हामी सबै मिलेर नै खोलिएको राष्ट्रिय प्रजातन्त्र पार्टी हामी सबैको साझा पार्टी हो । त्यतिबेलाको हामी सबै संस्थापकहरु हौँ । यो विषयमा कुनै छलफल गर्नु जरुरी नै छैन । मुल रुपमा पार्टीले सैद्धान्तिक रुपमा अंगिकार गरेका राजनीतिक मान्यताहरुलाई सर्वमान्य बनाउँ भन्ने नै हाम्रो कुरा हो । हिन्दुराष्ट्रको मुद्धालाई हामीले मानेर जान तयार भयौँ भने, हिन्दुत्वसँग गाँसिएको चुनाव चिन्ह गाईलाई नै मान्न के फरक पर्छ र ? यसलाई नमान्नुपर्ने उचित कारण आयो भने त, हामी पनि पछि हट्न तयार छौँ नी । भोलि महाधिवेशनले अस्वीकार गरेको खण्डमा हामी पनि मानौँला । तर, यस विषयमा बढि छलफल गरिरहनुपर्ने कुनै औचित्य म देख्दिन ।
हामीले उहाँहरुलाई त्यस्तो लदाउने, बोकाउने अनि जबरजस्ती गराउनुपर्ने कुनै कारण छैन । हामीले हिन्दुत्वको मुद्धालाई मुल मुद्धा बनाएका छौँ । राजतन्त्रको मुद्धालाई अघि बढाएका छौँ । यसैलाई सर्वमान्य बनाएर अघि बढौँ भनेका हौँ । यो भन्दा बाहिर गएर पार्टी एकता हुन सक्दैन ।
–हामी त्यहि दृढ विश्वासका साथ अघि बढिरहेका छौँ । पार्टी एकीकृत गरेर नै यो मुद्धालाई थप बलियो बनाऔँ भनेर हामीले भनेका हौँ । यदि पार्टी एकता भएन भने पनि राप्रपा एक्लैले भए पनि यो मुद्धामा ससक्त ढंगले लडिरहनेछ । नेपालमा हिन्दु राष्ट्र पुनः स्थापनाको अभियानलाई सफल पार्छ ।
