विप्लव नेतृत्वको नेकपाले भारतीय प्रधानमन्त्री नरेन्द्र मोदीको पुत्ला जलाउने (विज्ञप्तिसहित)

काठमाडौं, २० कार्तिक । भारतले नेपाली भूमि लिपुलेक, कालापानी र लिम्पुयाधारा आफ्नो नक्सामा समावेश गरेको विरोधमा नेत्र विक्रम चन्द विप्लव नेतृत्वको नेकपाले आन्दोलन गर्ने भएको छ ।
नेकपाले भारतीय प्रधानमन्त्री नरेन्द्र मोदीको पुत्ला जलाउने लगायत विभिन्न आन्दोलनको कार्यक्रम सार्वजनिक गरेको छ ।

‘भारतले हालै प्रकाशित गरेको आफ्नो देशको नक्सामा नेपालको कालापानी, लिपुलेप र लिम्पियाधुरासहितको भू–भागलाई भारतमा गाभेको विषयप्रति हाम्रो पार्टीको गम्भीर ध्यानकर्षण भएको छ,’ विज्ञप्तिमा भनिएको छ,‘यो भारतको साम्राज्यवादी, अतिक्रमणकारी रवैया नेपालमाथिको हमला हो । नेपालको स्वाधिनता, नेपालको स्वतन्त्रता, सार्वभौमिकताको ठाडो र नाङ्गो हस्तक्षेप हो । यो भारतको अन्तर्राष्ट्रिय पञ्चशीलको सिद्धान्तको अपहरण पनि हो । हाम्रो पार्टी भारतीय साम्राज्यवादी अतिक्रमणपछि आपत्ति, विरोध र भत्र्सना गर्दछ । भारतले तत्काल उक्त साम्राज्यवादी नक्सा खारेज गरोस् । अन्यथा पार्टीले राष्ट्रिय स्वाधिनताको आन्दोलन सञ्चालन गर्ने चेतावनी दिन चाहन्छ । यो मुक्ति स्वाधिनताको संघर्षमा सम्पूर्ण पार्टी, देशभक्त, वामपन्थी, लोकतन्त्रवादी, प्रगतिशील र सबै क्षेत्रका जनतासँग एकजुट भएर उठ्न अपिल गर्दछ ।’