नेकपाका ४४ जना केन्द्रीय सदस्यहरुले नेपाल दूरसञ्चार प्राधिकरणका अध्यक्ष दिगम्बर झालाई हटाउन लिखित रुपमा नै पार्टीका अध्यक्षयलाई ज्ञापनपत्र बुझाएपछि अन्ततः झाले राजिनामा दिएका छन् । राजिनामा दिदै अध्यक्ष झाले मानहानी भएको भन्दै अदालतमा नेकपाका नेताहरु विरुद्ध मुद्दा हाल्ने तयारी गरेका छन् ।
केपी शर्मा ओली नेतृत्वको सरकारले सुरुमा हटाउने निर्णय गरेर पुनः झालाई नै प्राधिकरणको अध्यक्षमा नियुक्त गरेको थियो । झाको विषयले नेकपाको स्थायी कमिटी बैठकमा पनि निकै चर्चा पाएको छ । यसै विषयमा राजिनामा दिनुको कारण लगायतको विषयमा अध्यक्ष दिगम्बर झासँग दियो पोष्टको लागि प्रयास पराजुलीले गरेको कुराकानीः–
नेकपाको दबाब खेप्न नकेर तपाईले राजिनामा दिनुभएको हो ?
–मेरो विरुद्ध हुँदै नभएको निराधार आरोप फैलाएर भ्रम सृजना गर्ने काम भयो । मैले दुर सञ्चार प्राधिकरणलाई राम्रो बनाउनको लागि काम गर्दै आएको थिए । मैले स्वास्थ्य र व्यक्तिगत कारणले राजिनामा दिएको होइन । राजिनामा नै मैले एउटा प्रश्न उठाइदिएको छु ।
म एउटा इमान्दार कुशल व्यवस्थापक हुँ । मलाई सत्तारुढ दलले जुन आरोप लगाउने कोशिस गरेका छन् । सरासर गलत छ । भ्रष्टचारको मलाई अहिलेसम्म कुनै पनि अभियोग लागेको छैन । मैले अहिलेसम्म सरकारी नियुक्ति लिएर जुन काम गरेको छु, पारदर्शी र देशका हितमा गरेको छु ।
नेपाल आयल निगममा म भन्दा अगाडिका पाँच जना सबै भ्रष्टचारको अभियोनमा मुछिएका छन् । रमाकान्तु सुवेदी, युवराज शर्मा, रुद्र खडका म भन्दा अगाडि भएकाहरुमाथि भ्रष्टचारको मुद्दा लागेको छ । म पछि गोपाल खड्का, चण्डिका भट्टा असक्षम भन्दा निकालिए, सुरेश अग्रवाल पनि भित्र गए । म एउटा इमान्दार कर्मठ काम गर्न जन्मिएको व्यक्ति हुँ ।
तपाईले मोटो रकम बुझाएर हटाए पनि पुनः नियुक्ति लिएको आरोप छ नि ?
–यो कुरा सरासर गलत हो । खुल्ला प्रतिस्पर्धाबाट आएको हुँ । सिफारिस अनुसार नै म आएको हुँ । कसैको दयामायाले म आएको होइन । म माथि प्राधिकरणमा पनि कुनै दाग लागेको छैन् । जस्तो अहिले वाइडवडी विमान खरिदमा सुगतजीलाई आरोप लागेको छ ।
भ्रष्टचार ठहर भएको छैन् । तर दिगम्बर झामाथि आरोप पनि लागेन । कुनै शकांको घेरामा पनि म आएको छैन् । तर मेरो नियुक्ति भएको बेलादेखि नै नेकपाका नेताहरुको मन्त्री र प्रधानमन्त्रीसँग आफ्नो राजनीति होला । म राजनीतिक व्यक्ति होइन । यो कुरा उहाँ (नेताहरु)ले जान्ने कुरा हो । त्यो भएको नियुक्तिको विषयलाई लिएर अहिले आएर केन्द्रीय कमिटी, स्थायी कमिटीका नेताहरुले न्याधीशजस्तैगरी मलाई भ्रष्टचारी नै ठहर गरिदिए ।
मेरो मानमर्दन भयो । मैले अपहेलना सहनु प¥यो । मेरो सामाजिक प्रतिष्ठामा आँच आयो । परिवारमा आँच आयो । मलाई आरोपी बनाएर प्रधानमन्त्री र मन्त्रीलाई समेत छिटा पर्ने काम भयो ।
सरकारले नियुक्ति नै गरेपछि राजिनामा किन हतारमा गर्नुभयो त ? तपाईको बारेमा जवाफ दिने काम त सरकारको हो नि होइन ?
–प्रधानमन्त्री र मन्त्रीमाथि नै विभिन्न खालका टिकाटिप्पणी सुरु भएपछि यस्तो बेलामा निकास दिनुपर्छ भनेर मैले राजिनमा दिएको हुँ ।
तपाईले प्राधिकरणबाट राजिनमा दिएपछि प्राधिकरणको अवस्था के होला ?
–मैले धेरै सुधारको काम गरेको छु । सूचनमा सबैको पहुँच पुर्याउनु पर्छ भनेर इन्टरनेटमा विशेष कार्यक्रम अगाडि बढाउने काम भएको छ । नेपालको आफ्नै सेटेलाइट चाहिन्छ । सूचना प्रविधिको सबै क्षेत्रमा पहुँच पु¥याउने काम अगाडि बढाइएको छ । सिटिभिटीसँग समन्वय गरेर दक्ष जनशक्ति उत्पादन गर्ने सबै काम अगाडि बढाइएको छ ।
चार बर्ष अगाडिसम्म दुर सञ्चार प्राधिकरणलाई कसले चिनेको थियो ? मैले दुर सञ्चार प्राधिकरणलाई चिनाइदिए । ममाथि कुनै दोष र आरोप छैन । म किन नपचेको भन्दा म कुनै राजनीतिक दलको कार्यकर्ता होइन । मलाई त मानमर्दन गर्यो गर्यो ।
अब सरकारसँग तपाईको के अपेक्षा छ ?
–निकासको लागि मैले राजिनामा दिएको हुँ । अब मलाई सरकारले न्याय दिन्छ कि दिदैन ? म दोषी छ कि छैन सरकारले गर्ने निर्णय हो । अहिलेको अवस्थामा दिगम्बर झाले न्याय पाउने कि नपाउने ? नेकपाका कार्यकर्ताले अनर्गल आरोप लगाएर कायल पारे अनि मैले राजिनामा दिए ।
मानमर्दनको कुरा गर्नु भो अब के तपाई अदालत जानुहुन्छ ?
–म पक्कै पनि कानुनी उपचारमा जान्छु । मेरो उपर लगाइएका मिथ्या आरोपहरु तथा लान्छनाको कारण मेरो चरित्र हत्या भएको छ । मेरो सामाजिक प्रतिष्ठा र पारिवारिक जीवनमा निकै असर परेको हुनाले सम्मानित अदालतमा न्याय तथा क्षतिपूर्तिको लागि म अदालत जान्छु ।
मुद्दा चाही क–कसलाई हाल्नु हुन्छ ?
–मेरो विरुद्ध लिखित रुपमा प्रमाणित नै नभएको कुरा उठाएर ४४ जना नेकपाका केन्द्रीय सदस्यले पार्टीमा ज्ञापनपत्र बुझाएको थाहा पाए । त्यति मात्र स्थायी कमिटीका सदस्यहरुले पनि मेरो विरुद्ध मानमर्दन गर्नुभएको छ ।
मिडियामा आएको रिपोर्टलाई आधार बनाएर मुद्दा दायर गर्छु । मैले गर्दै नगरेको अपराधको लागि म दण्डित हुनुपर्ने हो ? देश यसरी विकास हुन्छ ? म काम गर्ने व्यक्ति मध्ये पर्छु । आज नेपाल आयल निगमले पाइपलाइनको काम गर्दै छ । त्यो मेरो पहलमा सम्भव भएको हो । कार्यान्वयको प्रक्रिया सुरु भएको छ । सरकारले मलाई न्याय दिन्छ कि दिदैन ?
