काँग्रेसमा देउवा युगको उदय

काँग्रेसमा देउवा युगको उदय

काठमाडौं, फागुन २४ नेपाली कांग्रेसको १३औ महाधिवेशनबाट सभापतिमा शेरबहादुर देउवा विजयी भएका छन्। आफ्ना प्रतिद्वन्द्वी रामचन्द्र पौडेललाई पराजित गर्दै देउवा सभापतिमा विजयी भएका हुन् ।

सोमबार भएको दोस्रो चरणको मतदानमा देउवाले १८२२ मत पाएका छन् । पौडेलले १२९६ मतमा चित्त बुझाउनु पर्‍यो। सोमबार खसेको कुल ३१४० मतमध्ये देउवाले उक्त मत प्राप्त गरेका हुन्। दाेस्राे चरणकाे निर्वाचनमा पनि २२ मत बदर भएकाे थियाे ।

आइतबार भएको पहिलो निर्वाचनमा सभापतिका तीन उम्मेदवारमध्ये देउवाको ५१ प्रतिशत मत नपुग्दा पुनः मतदान भएको थियो। तेस्रो स्थानका कृष्णप्रसाद सिटौला सभापतिको रेसबाट बाहिरिएपछि देउवा र पौडेल बिचमा पुनः मतदान भएको हो।

आइतबार भएको पहिलो चरणको निर्वाचनमा ३१४८ मत खसेको थियो।

उक्त मतमध्ये एक सय एक मत बदर हुँदा देउवाले १५६४, पौडेलले ११६० र सिटौलाले ३२४ मत पाएका थिए। सोमबारको दोस्रो चरण मतदानमा भने केहि प्रतिनिधि कम भए।

दोस्रो दिन ३१२० मत खसेको थियो। जसमध्ये २ मत बदर भए । देउवाले १८२२ र पौडेलले १२९६ मत पाए ।

निरन्तर तीनपटक सभापतिमा उठेका देउवाले लामो समयपछि संस्थापन पक्षबाट नेतृत्व हात पारेका छन् । पोखरामा भएको महाधिवेशनबाट सभापतिमा उठ्न सुरु गरेका देउवाले पहिलो पटक गिरिजाप्रसाद कोइरालासँग पराजित भएका थिए । दोस्रो पटक सुशील कोइरालासँग पराजित भए । १३ औ महाधिवेशनमा कोइराला परिवार नेतृत्वबाट हटेसंगै देउवाले नेतृत्व हात पारेका छन् ।

पाटी विभाजन पछि एकता गरेका देउवा संस्थापनसंग ६० र ४० को भाग वण्डा गदै आएका थिए । पटक पटक सरकारको नेतृत्व गरेका देउवाले पार्टी नेतृत्व लिन भने निकै ठूलो कसरत गर्नु प¥यो । अब बाट काँग्रेसमा देउवा युगको सुरुवात भएको छ ।

Trending News