मलेखु खोला कब्जा प्रकरण : संसदीय समितिमा उजुरी, ५ मन्त्रालयलाई एकैसाथ यस्तो निर्देशन !
धादिङको बेनिघाट रोराङ गाउँपाकिला २ ताल्तीमा निर्माणाधिन ह्वासिन नारायणी सिमेन्ट उद्योग प्रालीले मलेखु खोला कब्जा गरेपछि स्थानियले संसदीय समितिमा उजुरी गरेका छन् ।
संसदको विकास तथा प्रविधि समितिमा उजुरी परेपछि समितिले कारबाही अघि बढाएको छ ।
समितिले गृहमन्त्रालय, भौतिक पूर्वाधार तथा यातयात मन्त्रालय, संघीय मामिला तथा सामान्य प्रशासन मन्त्रालय, उद्योग, वाािण्ज्य तथा आपूर्ति मन्त्रालय, वन तथा वातावरण मन्त्रालय, भूमि व्यवस्था, सहकारी तथा गरिवी निवारण मन्त्रालय र लगानी बोर्डलाई पत्राचार गरेको छ ।
छानबीन गरी दोषीलाई कारबाही गर्न निर्देशन दिएको र आवश्यक कागजात झिकाउन समेत पत्राचार गरेको बताइएको छ ।
केही दिन अघि दियोपोस्ट डटकममा मलेखु खोला नै कब्जा गरी सिमेन्ट उद्योग बनाउन थालिएको विषयमा रिपोर्ट प्रकाशन भएको थियो । रिपोर्ट प्रकाशन भएपछि स्थानियबासीले सडकमा विरोध नै गरेका थिए ।
स्थानिय खोला वातावरण बचाउन संघर्ष समितिका राजेन्द्र विक्रम पाण्डे, गजुरी गाउँपालिका अध्यक्षको उपस्थिति सहितको निवेदन विकास समितिमा परेको थियो ।
गत चैत्र १८ गते गृहमन्त्री राम बहादुर थापालाई समेत निवदेन दिएका उनीहरु गजुरी गाउँपालिका २ का स्थानिय बासिन्दा हुन् ।
मलेखु खोलाको संरचना च्यापेर सडक बनाउन लागिएपछि स्थानियबासी विरोधमा उत्रिएका थिए ।
याे पनि पढ्नुहाेस्
ह्वासिन् सिमेन्ट उद्योग बनाउन मलेखु खोला नै ‘कब्जा’, नेताकै समलग्नतामा ३ सय रोपनी खोला गायब !
पत्रकारमाथि दुर्व्यबहारमा उत्रिए वडाध्यक्षका छोरा तुल्सि थापा : समाचार लेखेको भन्दै अपशब्द
खोला कब्जा गरेर सिमेन्ट उद्योग सञ्चालन गरेपछि विवाद
