५ हजार नतिरेपछि अख्तियारद्वारा कनकमणिलाई फेरी पक्राउ गर्ने संकेत

काठमाडौं ३० वैशाख । अख्तियार दुरुपयोग अनुसन्धान आयोगले साझा यातयातका अध्यक्ष कनकमणि दीक्षितले अझै जरिवाना नतिरेको बताएको छ ।विज्ञप्ति जारी गर्दै साझा यातयातका २४ जना कर्मचारीले भने जरिवाना तिरेको बताएको हो । आयोगका अनुसार पटक–पटक ताकेता गर्दा पनि सम्पत्ति विवरण नबुझाएपछि जरिवना तोकिएको थियो । तर उनले अहिलेसम्म पनि जरिवाना बुझाएका छैनन् ।
५ हजारको दरले जरिवाना गरिएको थियो ।
‘साथै साझा यातायात संचालक समितिका सदस्यहरू, लेखा समितिका संयोजक एवं सदस्यहरू र कार्यरत कर्मचारीहरूले उक्त जरिवाना रकम दाखिला गरेको तर संचालक समितिका अध्यक्ष कनकमणी दिक्षितले मात्र हाल सम्म उक्त जरिवाना रकम वुझाएकोरदाखिला गरेको नपाईएको व्यहोरा समेत जानकारीको लागि अनुरोध छ ।’ अख्तियारद्वारा जारी विज्ञप्तिमा भनिएको छ ।

प्रेस विज्ञप्तिः २०७३।१।३० गते ।
———————————-
जरिवाना रकम दाखिला गरेको सम्बन्धमा ।
———————————————
साझा यातायात सञ्चालक समितिका पदाधिकारी, लेखा समितिका पदाधिकारी र कार्यरत कर्मचारीहरुले भ्रष्टाचार निवारण ऐन २०५९ को दफा ५० तथा अख्तिायार दुरुपयोग अनुसन्धान आयोग ऐन, २०४८ को दफा ३१क. मा भएको व्यवस्था बमोजिम आ.व. २०७१।७२ को सम्पत्ति विवरण तोकिएको समय भित्र नबुझाएको सम्बन्धमा यस आयोगबाट मिति २०७२।१२।१४ अख्तिायार दुरुपयोग अनुसन्धान आयोग ऐन, २०४८ को दफा ३१क. बमोजिम जरिवाना गरी ३० (तीस) दिन भित्र सम्पत्ति विवरण भरी तोकिएको निकायमा बुझाउन र सो को जानकारी यस आयोगलाई पठाउन निर्णय भए बमोजिम उक्त साझा यातायात सञ्चालक समितिका देहायमा उल्लेखित पदाधिकारी, लेखा समितिका पदाधिकारी र कार्यरत कर्मचारीहरुले २०७२।०१।२६ गते रु.५०००।- का दरले जरिवाना रकम दाखिला गरेको व्यहोरा जानकारीका लागि अनुरोध छ।