बेईजिङ १२ जेठ यात्रा गर्दा होस् या घरबाट कुनै कामको लागी निस्कीदा । समयमा समयमा ट्राफिक जामको समस्या प्राय सबैले झल्नुपरेकै हुन्छ । तर विश्वको सबैभन्दा धरै जनसंख्या भएको छिमेकी राष्ट्र चीनमा भने यो समस्यालाई नियन्त्रण गर्नको लागी त्यहाका इन्जिनीयरले अर्कै तरिका अपनाएका छन् ।
चीनका ईन्जीनियरहरुले नयाँ एलिवेटेड बसको डिजाईन तयार गरेका छन् । जसलाई टेक एक्स्पोमा पेश गरिएको छ ।
यस एलिवेटेड बसमा १२०० जती प्यासेन्जरको लागी बस्ने सिटको व्यवस्था गरिएको छ । जाममा पर्ने समस्या नहोस बसको डिजाईन रेलरोड जस्तै गरी तयार गरिएको छ । बसको यो मोडल रोडअनुसार बनेको फिक्स ट्रयाकमा नै चल्नेछ ।
ईन्जीनियरका अनुसार यस डिजाइनको बस गुड्ने समयमा रोडको स्पेश पनी रहनेछ र ट्राफीक जाममा पनि कमि आउनेछ । यसका साथै अन्य सार्वजनिक यातायातको तुलनामा यसको भाडा दर समेत सस्तो रहनेछ ।
यसको काम एक वर्षमै पुरा गरिने छ । पहिलो बसको परिक्षण किनहुआंगदाओ शहरमा गरिनेछ ।
