आज बडादशैंको दोस्रो दिनः ब्रह्मचारिणीको पूजा गरिदै

आज बडादशैंको दोस्रो दिनः ब्रह्मचारिणीको पूजा गरिदै

काठमाडौं, असोज २५ । आज बडादशैंको दोस्रो दिन । ब्रह्मचारिणीको पूजा गरेर मनाईँदैछ । आश्विन नवरात्रको दोस्रो दिन अर्थात बडा दसैँको दोस्रो दिन बिहीबार माता दुर्गाको दोस्रो शक्ति स्वरुप ब्रह्मचारिणीको पूजा गरेर मनाइने चलन छ ।

माता ब्रह्मचारिणी देवीको कृपाले तपस्वीको सर्वत्र सिद्धि र विजय प्राप्त हुने मान्यता रहेको छ । आजको दिन विवाह नभएका कुमारीहरुको पूजा गर्ने प्रचलन छ । कन्याहरुलाई घरमा बोलाएर पूजा गरी भोजन गराएपछि मात्र आफूले खाने चलन रहेको छ ।

ब्रहृम शब्दको अर्थ तपस्या हुन्छ। तपको आराधना गर्ने देवी भनेर यिनलाई ब्रहृमचारिणी भनिएको हो।

यो देवीको दायाँ हातमा जपको माला र बायाँ हातमा कमण्डलु हुन्छ। देवीको उपासना गर्नाले मानिसमा तप, त्याग, वैराग्य, सदाचार, संयम बढ्दै जाने उसलाई विजय हात लाग्ने विश्वास गरिन्छ।

Trending News