बंगलादेशका मेडिकल कलेजमा डिसेम्बर अन्तिम सातादेखि भर्ना सुरु हुने औंल्याउँदै यादवले अहिले नै कन्सलटेन्सी, दलालमार्फत मात्र नभई विद्यार्थी आफंैले समेत सिट बुक गर्न लागेको जनाए । उनका अनुसार अझै कालो सूचीका मेडिकल कलेजमा समेत अवैध रूपमा नेपाली विद्यार्थीको भर्ना जारी छ । ‘कालो सूचीका मेडिकल कलेजमा गत वर्षदेखि हामीले पढ्न अनुमति दिने गरेका छैनौं,’ काउन्सिलका रजिस्ट्रार डा. दिलीप शर्मा भन्छन्, ‘तर धेरैजसो विद्यार्थीले काउन्सिलबाटै स्वीकृति लिएरै यस्ता कलेजमा गएका हुन् ।’ काउन्सिलले बारम्बार सचेत गराउँदासमेत नेपाली विद्यार्थी बंगलादेशका अन्योलग्रस्त कलेज/विश्वविद्यालयमा पढ्न गएको दाबी उनले गरे । कालो सूचीका मेडिकल कलेजमा अध्ययनरत नेपाली विद्यार्थी भविष्यमा मुलुकमा चिकित्सकीय अभ्यास गर्न नपाउने स्थितिसमेत आउन सक्ने उनले बताए ।