चौधरी समूहको होटल मेघौलीमा

चौधरी समूहको होटल मेघौलीमा

चितवन, २० चैत । यहाँ आउने पर्यटकलाई लक्ष्य गरी पश्चिम चितवनको मेघौलीमा अत्याधुनिक पर्यटकीय होटल सञ्चालनमा आएको छ ।

चौधरी समूहले १० बिघा क्षेत्रफलमा रु ७५ करोड लगानी गरेर सो होटल निर्माण गरेको हो । धनाढ्य पर्यटक भित्र्याउने उद्देश्यले सिजी होटल एन्ड रिसोर्ट अन्तर्गत स्थापना भएको ‘मेघौली सेराई’ नामक होटलको व्यवस्थापन अन्तर्राष्ट्रिय जगत्मा ख्याति कमाएको ताज होटल रिसोर्ट एन्ड प्यालेसले गरेको छ । चौधरी समूहको सिजी होटल एन्ड रिसोर्ट अन्तर्गत विश्वका विभिन्न मुलुकमा एक सयभन्दा बढी होटल सञ्चालनमा छन् ।
चौधरी समूहका कर्पोरेट कम्युनिकेसन एवम् पब्लिक रिलेसन मामिलासम्बन्धी महाप्रबन्धक मधुसूदन पौडेलले होटलमा शतप्रतिशत चौधरी समूहको लगानी भएको र व्यवस्थापनको जिम्मा भारतको ताज होटललाई दिइएको बताए।

Trending News